മുരുക്കുംതൊട്ടി: മൂകയായ സ്ത്രീയുടെ വീടിന്റെ വാതില്‍ പൊളിച്ച് സ്വര്‍ണ്ണവും പണവും കവര്‍ന്നു.
മുരുക്കുംതൊട്ടി തെക്കുംചാലില്‍ സൈനബയുടെ വീട്ടിലാണ് മോഷണം നടന്നത്. ഈ വീടിനോട് ചേര്‍ന്നുള്ള  മകളുടെ വീട്ടിലാണ് സൈനബ അന്തിയുറങ്ങുന്നത്.
ഇന്നലെ പുലര്‍ച്ചെ 3.30 ഓടെ സൈനബ എഴുന്നേറ്റ് നോക്കിയപ്പോള്‍ തന്റെ വീടിന്റെ വാതില്‍ കുത്തിത്തുറന്ന നിലയില്‍ കാണുകയായിരുന്നു. നാട്ടുകാര്‍ അറിയച്ചതിനെത്തുടര്‍ന്ന് ശാന്തമ്പാറ പൊലിസ് സ്ഥലത്തെത്തി പരിശോധന നടത്തി.
അന്വേഷണം പുരോഗമിക്കുകയാണെന്ന് പൊലിസ് അറിയിച്ചു.