കൊല്ലങ്കോട്: കാര്‍ഷിക യന്ത്രങ്ങള്‍ സൂക്ഷിക്കുന്നത് ബ്ലോക്ക് പഞ്ചായത്ത് മീറ്റിങ്ങ് മീറ്റിങ് ഹാളില്‍. കൊല്ലങ്കൊട് ബ്ലോക്ക് പഞ്ചായത്തിലെ മീറ്റിങ്ങ് ഹാളിലാണ് കാര്‍ഷിക യന്ത്രങ്ങള്‍ സൂക്ഷിച്ചിരിക്കുന്നത്. എന്നാല്‍ ഇത് യോഗങ്ങള്‍ക്കും പഞ്ചായത്തിന്റെ മറ്റ് നടപടി കാര്യങ്ങള്‍ക്കും തടസമാകുന്നു. തൊഴില്‍സേനകള്‍ക്ക് ബ്ലോക്ക് പഞ്ചായത്തില്‍നിന്നും നല്‍കുന്ന ഞാറുനടീല്‍ യന്ത്രങ്ങളാണ് ബ്ലോക്ക് പഞ്ചായത്ത് ഹാളില്‍ നിറഞ്ഞിട്ടുള്ളത്. ബ്ലോക്ക് പഞ്ചായത്തിലെ മിക്ക യോഗങ്ങളും നടത്തിയിരുന്ന ഹാളിനകത്ത് യന്ത്രങ്ങള്‍ കയറ്റിവച്ചതോടെ ഓയിലുകള്‍ നിറഞ്ഞ് ഉദ്യോഗസ്ഥര്‍ക്കും നാട്ടുകാര്‍ക്കും ഓഫിസ് മുറികളിലേക്ക് കടക്കുവാന്‍ സാധിക്കാത്ത അവസ്ഥയാണെന്നാണ് പരാതി. യന്ത്രങ്ങള്‍ നിര്‍ത്തിവക്കുവാന്‍ മറ്റു സ്ഥലങ്ങള്‍ കണ്ടെത്തണമെന്നാണ് നാട്ടുകാരുടെ ആവശ്യം. എന്നാല്‍ യോഗങ്ങള്‍ക്ക് തടസമില്ലെന്നും പ്രത്യേകം മീറ്റിങ്ങ് ഹാള്‍ കൊല്ലങ്കോട് ബ്ലോക്ക് പഞ്ചായത്തില്‍ ഉണ്ടെന്നുമാണ് ബ്ലോക്കിലെ ഉദ്യോഗസ്ഥരുടെ നിലപാട്.