ബംഗളൂരു: ഇന്ത്യ-ഓസിസ് രണ്ടാം ടെസ്റ്റിന് ചിന്നസാമി സ്‌റ്റേഡിയത്തില്‍ തുടക്കം. ടോസ് നേടിയ ഇന്ത്യ ബാറ്റിങ് തെരെഞ്ഞെടുത്തു. കളി തുടങ്ങി രണ്ടാം ഓവറില്‍ തന്നെ ഓപ്പണര്‍ അഭിനവ് മുകുന്ദിനെ മിച്ചല്‍ സ്റ്റാര്‍ക്ക് പുറത്താക്കി. മുരളി വിജയിന് പകരമാണ് അഭിനവ് മുകുന്ദിന് ടീമില്‍ ഇടം കിട്ടിയത്. ജയന്ത് യാദവിന് പകരം മലയാളി താരം കരുണ്‍ നായരും ടീമില്‍ ഇടം പിടിച്ചു. പൂനെ ടെസ്റ്റിലെ ടീമിനെ ഓസിസ് നിലനിര്‍ത്തി.