ഹൈദരാബാദ്: മേലുദ്യോഗസ്ഥരുടെ പീഡനത്തിലും അഴിമതി ആരോപണത്തിലും മനംനൊന്ത് പൊലിസ് ഉദ്യോഗസ്ഥന്‍ ഭാര്യയെ കൊലപ്പെടുത്തിയശേഷം ജീവനൊടുക്കി. സബ് ഇന്‍സ്‌പെക്ടറായ ചിട്ടിബാബു(55) എന്നയാളാണ് സര്‍വീസ് റിവോള്‍വര്‍ ഉപയോഗിച്ചു ഭാര്യയെ വെടിവെച്ചു കൊന്ന ശേഷം അതേ റിവോള്‍വര്‍ ഉപയോഗിച്ച് ജീവനൊടുക്കിയത്. ഹൈദരാബാദിലെ സിദ്ദിപ്പേട്ടിലാണ് സംഭവം.

ഭാര്യ സംഭവസ്ഥലത്തുവെച്ചും ചിട്ടിബാബു ആശുപത്രിയില്‍ വെച്ചുമാണ് മരിച്ചത്.

മേലുദ്യോഗസ്ഥരുടെ പീഡനമാണ് ഇവരുടെ മരണത്തിനു പിന്നിലെന്ന് ബന്ധുക്കള്‍ ആരോപിച്ചു.

അതേസമയം, ഈ മാസം ഒന്നിന് കൃത്യനിര്‍വഹണത്തില്‍ വീഴ്ചവരുത്തിയതുമായി ബന്ധപ്പെട്ട് ചിട്ടിബാബുവിനെ സര്‍വീസില്‍നിന്നു സസ്‌പെന്‍ഡ് ചെയ്തിരുന്നു.