കോഴിക്കോട്: 'സുപ്രഭാതം' ദിനപത്രത്തിന്റെയും ഇഖ്‌റഅ് പബ്ലിക്കേഷന്റെയും ചെയര്‍മാനായി സയ്യിദ് മുഹമ്മദ് ജിഫ്‌രി മുത്തുക്കോയ തങ്ങളെ തെരഞ്ഞെടുത്തു. കോട്ടുമല ടി.എം ബാപ്പു മുസ്‌ലിയാരുടെ നിര്യാണത്തെ തുടര്‍ന്ന് ഒഴിവുവന്ന പദവിയിലേക്കാണ് നിയമനം. കോഴിക്കോട്ട് ചേര്‍ന്ന ഡയറക്ടര്‍ ബോര്‍ഡ് യോഗമാണ് തങ്ങളെ തെരഞ്ഞെടുത്തത്.

സമസ്ത കേരള ജംഇയ്യത്തുല്‍ ഉലമാ പ്രസിഡന്റായ തങ്ങള്‍ നിലവില്‍ വൈസ് ചെയര്‍മാനാണ്. രക്ഷാധികാരിയായി അത്തിപ്പറ്റ മൊയ്തീന്‍ കുട്ടി മുസ്‌ലിയാരെയും വൈസ് ചെയര്‍മാനായി പ്രൊഫ. കെ. ആലിക്കുട്ടി മുസ്‌ലിയാരെയും തെരഞ്ഞെടുത്തു. ഡോ. ബഹാഉദ്ദീന്‍ മുഹമ്മദ് നദ്‌വിയാണ് എഡിറ്റര്‍.