റിയാദ്: സഊദിയിൽ കാറുകൾ തമ്മിൽ കൂട്ടിയിടിച്ചുണ്ടായ അപകടത്തിൽ പതിനൊന്നു പേർ മരിച്ചു. അഫ്‌ലാജിനു സമീപം മരുഭൂമിയിലാണ് കാറുകൾ കൂട്ടിയിടിച്ചത്. അനധികൃത താമസക്കാരെ കടത്തുകയായിരുന്ന കാറുകളിൽ ഒന്ന് മറ്റൊരു കാറുമായി കൂട്ടിയിടിക്കുകയായിരുന്നു. മരിച്ചവരിൽ ഏഴു പേർ എത്യോപ്യക്കാരും മൂന്ന് വനിതകളും ഒരാൾ സ്വദേശി കാർ ഡ്രൈവറുമാണ്. കാർ ഡ്രൈവർ ഒഴികെയുള്ളവർ അനധികൃത താമസക്കാരും ഇഖാമ, തൊഴിൽ നിയമലംഘകരുമാണ്.