തൃശൂര്‍: ഒറ്റപ്പാലത്ത് കോടതിവളപ്പില്‍ പൊലിസുകാര്‍ നോക്കിനില്‍ക്കെ മാധ്യമപ്രവര്‍ത്തകര്‍ക്ക് നേരെയുണ്ടായ ആര്‍.എസ്.എസ് പ്രവര്‍ത്തകരുടെ ആക്രമണത്തില്‍ പത്രപ്രവര്‍ത്തക യൂനിയന്‍  ജില്ലാ കമ്മിറ്റി പ്രതിഷേധിച്ചു.
പ്രതികളെ കോടതിയില്‍ ഹാജരാക്കുമ്പോള്‍ ദൃശ്യങ്ങള്‍ പകര്‍ത്തിയ മാധ്യമപ്രവര്‍ത്തകര്‍ക്ക് നേരെ ആര്‍.എസ്.എസ് പ്രവര്‍ത്തകരുടെ ആക്രമണവും ഭീഷണിയുമുണ്ടായത്. മാധ്യമപ്രവര്‍ത്തകര്‍ക്ക് നേരെയുള്ള അതിക്രമം, അറിയാനുള്ള ജനങ്ങളുടെ അവകാശത്തിന് നേര്‍ക്കുള്ളതാണെന്നും, ജനങ്ങളെ വെല്ലുവിളിക്കുന്നതാണെന്നും യൂനിയന്‍ കുറ്റപ്പെടുത്തി.
കുറ്റക്കാര്‍ക്കെതിരേ അടിയന്തര ശിക്ഷാ നടപടിയുണ്ടാവണമെന്ന് ജില്ലാ സെക്രട്ടറി കെ.സി അനില്‍കുമാറും, പ്രസിഡന്റ് സന്തോഷ് ജോണ്‍ തൂവലും പ്രസ്താവനയില്‍ ആവശ്യപ്പെട്ടു.