കൊച്ചി: സ്‌കൂളിന് അംഗീകാരമില്ലാത്തതിനാല്‍ സി.ബി.എസ്.ഇ പത്താംക്ലാസ് പരീക്ഷ എഴുതാന്‍ കഴിയാതെ 29 വിദ്യാര്‍ഥികള്‍. തോപ്പുപടി അരൂജ ലിറ്റില്‍സ്റ്റാര്‍സ് സ്‌കൂളിലാണ് സംഭവം.

സ്‌കൂളിന് മുന്നില്‍ രക്ഷിതാക്കളും വിദ്യാര്‍ഥികളും പ്രതിഷേധിക്കുകയാണ്.

സ്‌കൂളിന് സി.ബി.എസ്.ഇ അംഗീകാരമില്ലാത്തത് സ്‌കൂള്‍ അധികൃതര്‍ മറച്ചുവെച്ചു. കുട്ടികളുടെ പേര് രജിസ്റ്റര്‍ ചെയ്തതിട്ടില്ലെന്ന് സ്‌കൂള്‍ അറിയിച്ചത് കഴിഞ്ഞ ദിവസം മാത്രമാണെന്നും രക്ഷിതാക്കള്‍ ആരോപിക്കുന്നു.

പരീക്ഷ അടുത്തിട്ടും ഹാള്‍ ടിക്കറ്റ് വിതരണം ചെയ്യാത്തതുമായി ബന്ധപ്പെട്ട് കാര്യങ്ങള്‍ അന്വേഷിച്ചപ്പോഴാണ് സ്‌കൂളിന് അംഗീകാരമില്ലെന്ന വിവരം അറിയുന്നത്.

എട്ടാം ക്ലാസ് വരെ മാത്രമാണ് അരൂജ സ്‌കൂളിന് അംഗീകാരമുള്ളത്. കഴിഞ്ഞ വര്‍ഷങ്ങളില്‍ ഒമ്പതാം ക്ലാസിന് ശേഷം വിദ്യാര്‍ഥികളെ സ്‌കൂള്‍ അധികൃതര്‍ മറ്റ് സ്‌കൂളിലേക്കെത്തിച്ചാണ് പത്താംക്ലാസ് പരീക്ഷ എഴുതിച്ചിരുന്നത്.