കൊണ്ടോട്ടി: ഇന്റര്‍നെറ്റ് തകരാര്‍ മൂലം കൊണ്ടോട്ടി സബ് രജിസ്ട്രാര്‍ ഓഫിസിലെ ഇടപാടുകള്‍ താളം തെറ്റിയത് ബഹളത്തിനിടയാക്കി. കഴിഞ്ഞ മൂന്നു ദിവസമായി നെറ്റ് വര്‍ക്കിലെ തകരാര്‍ കാരണം ഇടപാടുകള്‍ താളം തെറ്റിയാണ് നടന്നത്. ഇതോടെയാണ് ഇടപാടുകാരും രജിസ്ട്രാര്‍ ഓഫിസിലെ ജീവനക്കാരും തമ്മില്‍ ബഹളത്തിനടയാക്കിയത്.
കഴിഞ്ഞ തിങ്കളാഴാഴ്ച മുതലാണ് ഇന്റര്‍നെറ്റ് പണിമുടക്കി തുടങ്ങിയത്.പിന്നീട് ഉച്ചയോടെ നെറ്റ്‌വര്‍ക്ക് പുനഃസ്ഥാപിച്ചെങ്കിലും വൈകിട്ട് ഏറെ നേരം പ്രവര്‍ത്തിച്ചാണ് ഇടപാടുകള്‍ പൂര്‍ത്തീകരിച്ചത്.ചൊവ്വാഴ്ച്ചയും ഇന്നലെയും നെറ്റവര്‍ക്ക് വൈകിയിട്ട് മൂന്നു മണിയോടെയാണ് ലഭിച്ചത്.
ഇതോടെ ആധാരം രജിസ്‌ട്രേഷനും മറ്റുമായി എത്തിയവര്‍ മണിക്കൂറുകല്‍ കാത്തിരിപ്പായി.പ്രശ്‌നം പരിഹരിക്കാന്‍ ജീവനക്കാര്‍ ഇടപ്പെട്ടില്ലെന്ന് ആരോപിച്ച് ഇടപാടുകാര്‍ ബഹളംവച്ചു.ഇന്നലെയും ജീവനക്കാര്‍ ഏറെ നേരം ഇരുന്നാണ് അവശേഷിക്കുന്ന ഇടപാടുകള്‍ പൂര്‍ത്തീകരിച്ചത്.
ആധാരങ്ങളുടെ രജിസ്റ്റര്‍,കുടിക്കടം സര്‍ട്ടിഫിക്കറ്റ്, ആധാരം പകര്‍പ്പ് തുടങ്ങിയ വിവിധ ആവശ്യങ്ങള്‍ക്കായി സബ് രജിസ്ട്രാര്‍ ഓഫിസില്‍ എത്തുന്നവര്‍ നിരവധിയാണ്.ദിനേന 25 ലേറെ ആധാരമാണ് ഇവിടെ രജിസ്റ്റര്‍ ചെയ്യുന്നത്.