ജിദ്ദ: സഊദിയിൽ മലപ്പുറം സ്വദേശി കുഴഞ്ഞു വീണു മരിച്ചു. കരുവാരക്കുണ്ട് ഇരിങ്ങാട്ടിരി പടിപ്പുര വീട്ടിൽ മുഹമ്മദിന്റെ മകൻ ജുനൈസ് (24)ആണ് ജിദ്ദയിൽ  ബവാദി സൂഖിനു സമീപത്തെ താമസ സ്ഥലത്ത് കുഴഞ്ഞു വീണ് മരിച്ചത്. പിസ കടയിലെ ജീവനക്കാരനായിരുന്നു.

രണ്ടു വർഷം മുമ്പ്  സഊദിയിലെത്തിയ ഇദ്ദേഹം അവിവാഹിതനാണ്. മാതാവ് സഫിയ. ദമാമിലുള്ള സഹോദരൻ ജുനൈദ് മരണ വിവരമറിഞ്ഞ് ജിദ്ദയിലേക്ക് തിരിച്ചിട്ടുണ്ട്. മറ്റു സഹോദരങ്ങൾ: ജുറൈജ്, നിമിഷ. നടപടിക്രമങ്ങളുടെ പൂർത്തീകരണത്തിന് കെ.എം.സി.സി വെൽഫെയർ വിഭാഗം രംഗത്തുണ്ട്.