കൊച്ചി: മര്‍ദ്ദിതര്‍ക്ക് ഒരു കൈത്താങ്ങായ് എന്ന പ്രമേയത്തില്‍ പി.ഡി.പി സംസ്ഥാന വ്യാപകമായി നടപ്പിലാക്കുന്ന ജീവകാരുണ്യ പദ്ധതിയായ കാരുണ്യ 2016 ന്റെ ജില്ലാതല ഉല്‍ഘാടനം ആലുവ അന്നപൂര്‍ണ്ണ ഹാളില്‍ പി.ഡി.പി.സംസ്ഥാന ജനറല്‍ സെക്രട്ടറി ടി.എ.മുജീബ്‌റഹ്മാന്‍ നിര്‍വഹിച്ചു.
വാഹനാപകടത്തില്‍ പരിക്കേറ്റ് ചികിത്സയില്‍ കഴിയുന്നയാള്‍ക്ക് ജില്ലാ കമ്മിറ്റി സ്വരൂപിച്ച ചികിത്സ സഹായം നല്‍കിയാണ് പദ്ധതിക്ക് തുടക്കമിട്ടത്. ജൂണ്‍ ആറ് മുതല്‍ ജൂലൈ ആറ് വരെ മണ്ഡലം, പഞ്ചായത്ത്, വാര്‍ഡ് കമ്മിറ്റികളുടെ നേതൃത്വത്തിലാണ് പദ്ധതി നടപ്പിലാക്കുന്നത്.
യോഗത്തില്‍ ജില്ലാ പ്രസിഡന്റ് വി.എ അലിയാര്‍ അദ്ധ്യക്ഷത വഹിച്ചു. ജില്ലാ സെക്രട്ടറി ജമാല്‍ കുഞ്ഞുണ്ണിക്കര , ജില്ല വൈസ്പ്രസിഡന്റ് സലാം പട്ടേരി, സെക്രട്ടറി പി.എം.ബഷീര്‍ ,ഷിഹാബ് ചേലക്കുളം ,ഷെജീര്‍ വാഴക്കാല തുടങ്ങിയവര്‍ പ്രസംഗിച്ചു.