കാസര്‍കോട് : കേന്ദ്ര സര്‍വകലാശാല അധ്യാപകന്‍ ഡോ.പ്രസാദ് പന്ന്യനെ സസ്പെന്‍ഡ് ചെയ്തു. ഗവേഷക വിദ്യാര്‍ഥി നല്‍കിയ പരാതിയെ തുടര്‍ന്നാണ് നടപടിയെന്നാണ് അധികൃതരുടെ വിശദീകരണം. കമ്മീഷന്‍ നല്‍കിയ റിപ്പോര്‍ട്ടിന്റെ അടിസ്ഥാനത്തിലാണ് നടപടി. സര്‍വകലാശാല ക്യാംപസ് വിട്ട് പോകരുതെന്ന് ഇദ്ദേഹത്തിന് നിര്‍ദ്ദേശം നല്‍കിയിട്ടുണ്ട്.

അതേ സമയം കേന്ദ്ര സര്‍വകലാശാല അധികൃതരുടെ പകപോക്കല്‍ നടപടിയാണ് പുറത്താക്കലിന് പിന്നിലെന്നാണ് പ്രസാദ് പന്ന്യന്‍ ആരോപിക്കുന്നത്. അഴിമതിയുമായി ബന്ധപ്പെട്ട് വൈസ് ചാന്‍സിലര്‍ക്കും പ്രൊ വൈസ് ചാന്‍സിലര്‍ക്കും എതിരെ കേന്ദ്ര വിജിലന്‍സ് കമ്മീഷന് പരാതി നല്‍കിയിരുന്നു. ഇതാണ് പുറത്താക്കലിന് കാരണമെന്ന് പ്രസാദ് പന്ന്യന്‍ പറയുന്നത്.
പ്രസാദ് പന്ന്യന്റെ ഭാഗത്ത് നിന്ന് മാനസികപീഡനം നടക്കുന്നതായി വിദ്യാര്‍ഥിനി നേരത്തെ പരാതിപ്പെട്ടിരുന്നു. തുടര്‍ന്ന് അന്വേഷണ കമ്മീഷനെ നിയോഗിക്കുകയും ചെയ്തു.