മലപ്പുറം: സുന്നി യുവജന സംഘം ജില്ലാ കമ്മിറ്റിയുടെ അഭിമുഖ്യത്തില്‍ 'ഭരണഘടന സ്വത്വവും സത്യവും' എന്ന ശീര്‍ഷകത്തില്‍ നാളെ വൈകിട്ട് മൂന്നിന് അരീക്കോട്ട് ജില്ലാ സെമിനാര്‍ നടക്കും.
പംകിന്‍ കോണ്‍ഫറന്‍സ് ഹാളില്‍ നടക്കുന്ന പരിപാടി പി.വി അബ്ദുല്‍ വഹാബ് എം.പി ഉദ്ഘാടനം ചെയ്യും. ജില്ലാ പ്രസിഡന്റ് സയ്യിദ് അബ്ബാസലി ശിഹാബ് തങ്ങള്‍ അധ്യക്ഷനാകും. ജില്ലാ ജനറല്‍ സെക്രട്ടറി അബ്ദുസ്സമദ് പൂക്കോട്ടൂര്‍ വിഷയാവതരണം നടത്തും. കെ.എ റഹ്മാന്‍ ഫൈസി, സി. ഹംസ, അഡ്വ. യു.എ ലത്തീഫ് സംസാരിക്കും. ഹംസ റഹ്മാനി കൊണ്ടിപറമ്പ് മോഡേറേറ്ററാകും.