പേരാവൂര്‍: കൊട്ടിയൂര്‍ പാല്‍ചുരം ഒന്നാംവളവില്‍ രാത്രികാല വാഹന പരിശോധനയ്ക്കിടെ കഞ്ചാവ് കൈവശം വച്ച മൂന്നു യുവാക്കളെ എക്‌സൈസ് പിടികൂടി. വയനാട് കല്‍പ്പറ്റ വൈത്തിരി സ്വദേശികളായ മടക്കിമല പഴന്താറ്റില്‍ വീട്ടില്‍ പി. ശ്യാംജിത്ത് (27), പാറക്കുണ്ടില്‍ വീട്ടില്‍ പി. അബൂതാഹിര്‍ (26), കൊളപ്പറമ്പന്‍ വീട്ടില്‍ എ. മിദ്‌ലാജ് (26) എന്നിവരാണ് പിടിയിലായത്. ഇവരുടെ പക്കല്‍ നിന്നു 22 ഗ്രാം കഞ്ചാവ് പിടിച്ചെടുത്തു. എക്‌സൈസ് ഇന്‍സ്‌പെക്ടര്‍ എ.കെ വിജേഷിന്റെ നേതൃത്വത്തിലായിരുന്നു പരിശോധന.