കാലടി: ശ്രീ ശങ്കരാചാര്യ സംസ്‌കൃത സര്‍വകലാശാല ഇന്റര്‍ സെന്റര്‍ അത്‌ലറ്റിക്‌സ് മീറ്റില്‍ കാലടി മുഖ്യകേന്ദ്രം ഒന്നാം സ്ഥാനം നേടി.  
പന്മന പ്രാദേശിക കേന്ദ്രം രണ്ടാം സ്ഥാനവും കൊയിലാണ്ടി പ്രാദേശിക കേന്ദ്രം മൂന്നാം സ്ഥാനവും കരസ്ഥമാക്കി.  കാലടി മുഖ്യകേന്ദ്രത്തിലെ അമീന്‍ നവാസ് കെ.പി, സ്‌നേഹ ബാലന്‍, ഫെമിന്‍ലാല്‍ കെ.വി, വീണ വിശ്വനാഥന്‍, ഷാരുണ്‍ പി, അജില വി.എല്‍, വിഷ്ണു വിജയന്‍ എന്നിവര്‍ വ്യക്തിഗത ചാംപ്യന്‍മാരായി.  സമാപന ചടങ്ങില്‍ കേരള സ്റ്റേറ്റ് സ്‌പോര്‍ട്‌സ് കൗണ്‍സില്‍ കോച്ചും കാലിക്കറ്റ് യൂനിവേഴ്‌സിറ്റി അത്‌ലറ്റിക്‌സ് ടീം കോച്ചുമായ സേവ്യര്‍ പൗലോസ് വിജയികള്‍ക്ക് സമ്മാനദാനം നിര്‍വഹിച്ചു.  
ഫിസിക്കല്‍ എജ്യുക്കേഷന്‍ വകുപ്പ് മേധാവി ഡോ. ദിനു എം. ആര്‍., അധ്യാപകരായ ലൂക്കോസ് ജോര്‍ജ്ജ്, ദിനേഷ്‌കുമാര്‍, പ്രജീഷ് കുമാര്‍, ശ്രീനാഥ്, ഡോ.സുവര്‍ണ ശങ്കര്‍ എന്നിവരാണ് മത്സരങ്ങള്‍ക്ക് നേതൃത്വം നല്‍കിയത്.