കൊച്ചി :ഇന്‍സ്റ്റിറ്റ്യൂട്ട് ഓഫ് ചാര്‍ട്ടേഡ് അക്കൗണ്ടന്റ്‌സ് ഓഫ് ഇന്ത്യ എറണാകുളം ശാഖയുടെ 2017-18 വര്‍ഷത്തെ ഭാരവാഹികള്‍ റിനൈ ഹോട്ടലില്‍ നടന്ന ചടങ്ങില്‍ സ്ഥാനമേറ്റു. ഇതോടനുബന്ധിച്ച് ചാര്‍ട്ടേഡ് അക്കൗണ്ടന്റുമാരുടെ കുടുംബസംഗമവും സംഘടിപ്പിച്ചിരുന്നു. എറണാകുളം ജില്ലാ പഞ്ചായത്ത് പ്രസിഡന്റ് ആശാ സനില്‍ മുഖ്യാതിഥിയായിരുന്നു.
2017 - 18 ലെ എറണാകുളം ശാഖ ഭാരവാഹികളായി ലൂക്കോസ് ജോസഫ് (ചെയര്‍മാന്‍), പി ടി ജോയി (വൈസ് ചെയര്‍മാന്‍), ജേക്കബ് കോവൂര്‍ എന്‍ (സെക്രട്ടറി), പി ആര്‍ ശ്രീനിവാസന്‍ (ട്രഷറര്‍), റോയി വര്‍ഗീസ് (വിദ്യാര്‍ത്ഥി അസോസിയേഷന്‍ ചെയര്‍മാന്‍), ടി എന്‍ സുരേഷ് (മുന്‍ ചെയര്‍മാന്‍), രഞ്ജിത്ത് ആര്‍ വാര്യര്‍ (കമ്മിറ്റി അംഗം), പൗലോസ് പോള്‍ (കമ്മിറ്റി അംഗം) എന്നിവരാണ് ചുമതലയേറ്റത്.
ചടങ്ങില്‍ പി സി വര്‍ഗീസ് (സീനിയര്‍ ചാര്‍ട്ടേഡ് അക്കൗണ്ടന്റ്), ബാബു എബ്രഹാം കള്ളിവയലില്‍ (കേന്ദ്ര കമ്മിറ്റി അംഗം), ജോമോന്‍ കെ ജോര്‍ജ് (ദക്ഷിണേന്ത്യന്‍ കൗണ്‍സില്‍ അംഗം), ആര്‍ ബാലഗോപാല്‍ (മുന്‍ ശാഖ ചെയര്‍മാന്‍) എന്നിവര്‍ പ്രസംഗിച്ചു. ടി എന്‍ സുരേഷ് സ്വാഗതവും ജേക്കബ് കോവൂര്‍ എന്‍ നന്ദിയും രേഖപ്പെടുത്തി.