തിരുവനന്തപുരം: ഇംഗ്ലണ്ട് ലയണ്‍സിനെതിരേയുള്ള ആദ്യ ഏകദിനത്തില്‍ ഇന്ത്യന്‍ എ ടീമിന് മൂന്നു വിക്കറ്റ് ജയം. ടോസ് നേടിയ ഇന്ത്യ ഇംഗ്ലണ്ടിനെ ബാറ്റിങിന് അയച്ചു. നിശ്ചിത 50 ഓവറില്‍ ഏഴു വിക്കറ്റ് നഷ്ടത്തില്‍ ഇംഗ്ലണ്ട് 285 റണ്‍സ് സ്വന്തമാക്കി.
മറുപടി ബാറ്റിങിനിറങ്ങിയ ഇന്ത്യ 49.1 ഓവറില്‍ വിജയം നേടി ഇംംഗ്ലണ്ടിനു വേണ്ടിക്യാപ്ടന്‍ സാം ബില്ലിംഗസ് സെഞ്ചുറി നേട്ടം സ്വന്തമാക്കി. കാര്യവട്ടം സ്‌റ്റേഡിയത്തിലെ കന്നി സെഞ്ചുറിയും സാമിന്റെ പേരില്‍ കുറിക്കപ്പെട്ടു.
108 റണ്‍സാണ് സാം സ്വന്തമാക്കിയത്. അലക്‌സ് ഡേവിസ്(54) ഓലി പോപ്പ്(31) എന്നിവരാണ് കൂടുതല്‍ റണ്‍സ് സ്വന്തമാക്കിയ മറ്റു താരങ്ങള്‍. മറുപടി ബാറ്റിംഗിനിറങ്ങിയ ഇന്ത്യന്‍ ക്യാപ്ടന്‍ അജിങ്ക്യാ രഹാനെയും അന്‍മോല്‍ പ്രീത്സിംഗും ചേര്‍ന്നുള്ള ഓപ്പണിങ് കൂട്ടുകെട്ട് മികച്ച തുടക്കമാണ് സമ്മാനിച്ചത്. ഇന്ത്യന്‍ സ്‌കോര്‍ 66 ലെത്തിയപ്പോള്‍ അന്‍മോലിന്റെ വിക്കറ്റ് നഷ്ടമായി. തുടര്‍ന്ന് ശ്രേയസ് ഐയ്യരും രഹാനെയുമുള്ള കൂട്ടുകെട്ട് മികച്ച രീതിയില്‍ മുന്നേറി.
139 റണ്‍സ് എത്തിയപ്പോഴാണ് രണ്ടാം വിക്കറ്റ് ശ്രേയസിന്റെ രൂപത്തില്‍ നഷ്ടമായത്. രണ്ടിന് 139 എന്ന നിലയില്‍ നിന്നും ഒരുഘട്ടത്തില്‍ നാലിന് 166 എന്ന നിലയിലേക്ക് ഇന്ത്യ പതറി.
എന്നാല്‍ തുടര്‍ന്നെത്തിയ ഇഷാന്‍ കിഷന്റെ തകര്‍പ്പന്‍ പ്രകടനം ഇന്ത്യയെ വിയത്തിലേക്ക് എത്തിച്ചു. അവസാന ഓവറിലെ ആദ്യ പന്തില്‍ തന്നെ ഇന്ത്യ വിജയം സ്വന്തമാക്കി. ക്യാപ്ടന്‍ രഹാനെ(59), ശ്രേയസ് അയ്യര്‍(45) എന്നിവരാണ് ഇന്ത്യയുടെ ടോപ് സ്‌കോറര്‍മാര്‍.