കൊല്ലം: ഒറ്റപ്പാലത്തു ആര്‍.എസ്.എസുകാര്‍ മാധ്യമപ്രവര്‍ത്തകരെ ആക്രമിച്ചതില്‍ പ്രതിഷേധിച്ച് കേരളാ പത്രപ്രവര്‍ത്തകയൂനിയന്‍ ജില്ലാ കമ്മിറ്റിയുടെ ആഭിമുഖ്യത്തില്‍ കൊല്ലം നഗരത്തില്‍ പ്രകടനം നടത്തി. രവിലെ 11ന് പ്രസ്‌ക്ലബ്ബിനു മുന്നില്‍ നിന്നും പ്രകടനം ആരംഭിച്ചു. തുടര്‍ന്നു പ്രതിഷേധയോഗവും ചേര്‍ന്നു. പ്രസ്‌ക്ലബ്ബ് പ്രസിഡന്റ് സി.വിമല്‍കുമാര്‍,സെക്രട്ടറി ഡി.ജയകൃഷ്ണന്‍ എന്നിവര്‍ സംസാരിച്ചു. പ്രകടനത്തിനു സി.വിമല്‍കുമാര്‍,ഡി.ജയകൃഷ്ണന്‍,സംസ്ഥാന കമ്മിറ്റിയംഗം ശ്രീകണ്ഠന്‍,രാജു ശ്രീധര്‍,എ.കെ.എം ഹുസൈന്‍,ഉണ്ണി വി.ജെ നായര്‍,സുധീര്‍ ചന്ദനത്തോപ്പ്,മജീദ്,ചവറ സുരേന്ദ്രന്‍പിള്ള,രാധാകൃഷ്ണന്‍ നായര്‍, ഷിബു തുടങ്ങിയവര്‍ നേതൃത്വം നല്‍കി.