കോഴിക്കോട്: കേരള സംസ്ഥാന ഹജ്ജ് കമ്മിറ്റി ചെയര്‍മാനായി തെരഞ്ഞടുക്കപ്പെട്ട തൊടിയൂര്‍  മുഹമ്മദ് കുഞ്ഞി മൗലവിക്ക് സ്വീകരണവും ജില്ലയിലെ ഹജ്ജ് ട്രെയ്‌നര്‍മാരുടെ സംഗമവും കുന്ദമംഗലം വ്യാപാര ഭവനില്‍ പി.ടി.എ റഹീം എം.എല്‍.എ ഉദ്ഘാടനം ചെയ്തു. കോഴിക്കോട് ജില്ലാ ഹജ്ജ് ട്രെയ്‌നര്‍ ഷാനവാസ് കുറുമ്പൊയില്‍ അധ്യക്ഷനായി.
ഹജ്ജ് കമ്മിറ്റി മെമ്പര്‍ എം.കെ ശരീഫ്, ഡോ. ഹുസ്സൈന്‍ മടവൂര്‍, അഡ്വ. കെ.പി മുഹമ്മദ്, ബാബു മോന്‍, പി.കെ അസൈന്‍, മുജീബ് റഹ്മാന്‍ പുത്തലത്ത് സംസാരിച്ചു.പി.ടി.എ റഹീം എം.എല്‍.എ, ഷാനവാസ് കുറുമ്പൊയില്‍ , ബാപ്പു ഹാജി, കോറോത്ത് അഹമ്മദ് ഹാജി, ബഷീര്‍ ബേപ്പൂര്‍, ടി.പി അബ്ദുറഹിമാന്‍ ഹാജി എന്നിവര്‍ ഹാരാര്‍പ്പണം നടത്തി. ജില്ലാ അസിസ്റ്റന്റ് ട്രെയ്‌നര്‍ ബാപ്പു ഹാജി സ്വാഗതവും എ.പി മുഹമ്മദ് നന്ദിയും പറഞ്ഞു.