കോഴിക്കോട്: കരിപ്പൂര്‍ എയര്‍പോര്‍ട്ടിനോടുള്ള അവഗണയ്ക്കും മലബാറിലെ വിമാന യാത്രക്കാരോടുള്ള നിഷേധാത്മക നിലപാടിനുമെതിരേ ഏഴിന് ബിസിനസ് ക്ലബ് പ്രതിഷേധ ധര്‍ണ നടത്തും. മാനാഞ്ചിറ സെന്‍ട്രല്‍ ലൈബ്രറിക്ക് സമീപം രാവിലെ 10ന് നടക്കുന്ന സമരം എം.കെ. രാഘവന്‍ എം.പി ഉദ്ഘാടനം ചെയ്യുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
 റണ്‍വേ നവീകരണത്തിന്റെ ഭാഗമായി നിര്‍ത്തിയ എല്ലാ വിമാനങ്ങളും പുനസ്ഥാപിക്കുക തുടങ്ങിയ ആവശ്യങ്ങള്‍ ഉന്നയിച്ചാണ് ധര്‍ണ സംഘടിപ്പിക്കുന്നത്. ബിസിനസ് ക്ലബ് പ്രസിഡന്റ് കെ.പി. അബ്ദുല്‍ റസാഖ്, എം. മുഹമ്മദ് ഹസന്‍, സുബൈര്‍ കൊളക്കാടന്‍, കെ.വി സക്കിര്‍ ഹുസൈന്‍, നയന്‍ ജെ. ഷാ, കെ. സലാം പങ്കെടുത്തു.