തൊട്ടില്‍പാലം: കായക്കൊടി പഞ്ചായത്ത് 'സ്പര്‍ശം' പെയിന്‍ ആന്‍ഡ് പാലിയേറ്റീവ് കമ്മിറ്റിക്ക് കരുത്തു പകര്‍ന്ന് ദേവര്‍കോവില്‍ ഖത്തര്‍ മുസ്‌ലിം റിലീഫ് കമ്മിറ്റി. സ്പര്‍ശത്തിന്റെ ആതുരസേവനരംഗത്തെ സേവനം സുഗമമാക്കുന്നതിന്  ഖത്തര്‍ കമ്മിറ്റി ജീപ്പ് നല്‍കി. മൗക്കാത്ത് കുഞ്ഞമ്മദ് കുട്ടിഹാജി നഗറില്‍ നടന്ന ചടങ്ങില്‍ റിലീഫ് കമ്മിറ്റി പ്രസിഡന്റ് റഷീദ് ദേവര്‍കോവില്‍ സ്പര്‍ശം പ്രസിഡന്റ്  കൊടുമ ഫൈസലിന് ജീപ്പിന്റെ താക്കോല്‍ കൈമാറി നിര്‍വഹിച്ചു.  
    വി.പി.കുഞ്ഞബ്ദുല്ല മാസ്റ്റര്‍ ഉദ്ഘാടനം ചെയ്തു. ടി.എച്ച് അഹമ്മദ്മാസ്റ്റര്‍ അധ്യക്ഷനായി.  പഞ്ചായത്ത് പ്രസിഡന്റ് കെ.ടി അശ്വതി മുഖ്യാതിഥിയായി. അഫ്‌നാന്‍ ഹമീദ് ഒ.വി ഖിറാഅത്ത് നടത്തി. മഹല്ല് ഖത്തീബ് സ്വാബിര്‍ ബാഖവി, കെ.ടി അബൂബക്കര്‍ മൗലവി, പി.കെനവാസ് മാസ്റ്റര്‍, കെ.കെ ഉമ്മര്‍മാസ്റ്റര്‍, പി.വി കുഞ്ഞബ്ദുല്ല, വി.എ.സി  ഇബ്‌റാഹീംഹാജി, കെ.വി ജമാല്‍, ജമാല്‍ തൊട്ടില്‍പാലം, സി.കെ പോക്കര്‍, പി.കെ ഹമീദ്, എന്‍.കെ ഇസ്മാഈല്‍, ഡോ. ജോണ്‍ ജോര്‍ജ് സംസാരിച്ചു. വിവിധ രംഗത്ത് ശ്രദ്ധേയരായ കെ.കെ അഷറഫ്, അബ്ദുല്‍ ലത്തീഫ്, ടി.എം ആഷിഖ്, എ.കെ റഈസ് എന്നിവരെ ചടങ്ങില്‍ ആദരിച്ചു. ടി.എം ബഷീര്‍, ടി.കെ ജമാല്‍, കെ.പി കുഞ്ഞമ്മദ്, ടി.കെ കുഞ്ഞബ്ദുല്ല, ജൗഹര്‍ അബ്ദുല്ല, ജസീര്‍ അബ്ദുല്ല, കെ.ടി അന്‍വര്‍, കെ.ടി നജീബ്, എന്‍.പി കുഞ്ഞബ്ദുല്ല സംബന്ധിച്ചു.