വടകര: വടകരയിലെ  ബീവറേജ് മദ്യവില്‍പനശാലയില്‍ മോഷണം. വിലപിടിപ്പുള്ള മദ്യം കവര്‍ന്നു. എടോടിയില്‍ പ്രവര്‍ത്തിക്കുന്ന സ്ഥാപനത്തിന്റെ ഷട്ടറിന്റെ മുകള്‍ഭാഗം തകര്‍ത്താണ് കളവ് നടത്തിയത്. മേശ വലിപ്പ് കേടുവരുത്തിയിട്ടുണ്ട്.
മുന്‍പ് കവര്‍ച്ച നടന്നതിനാല്‍ ഇവിടെ പണം സൂക്ഷിക്കാറില്ല. അതിനാല്‍ പണം നഷ്ടമായില്ല. ഇന്നലെ രാവിലെ ജീവനക്കാര്‍ സ്ഥാപനം തുറക്കാനെത്തിയപ്പോഴാണ് കളവ് നടന്നതറിയുന്നത്. ഒരു ഫുള്‍ ബോട്ടില്‍ ബക്കാര്‍ഡി വൈറ്റ് റമ്മും രണ്ട് ബിയറും മാത്രമാണ് നഷ്ടമായതെന്ന് സ്‌റ്റോക്കെടുപ്പ് നടത്തിയതിനുശേഷം മനസിലായി.
വിരലടയാള വിദഗ്ധരും ഡോഗ് സ്‌ക്വാഡും സ്ഥലത്തെത്തി. തകര്‍ത്ത ഷട്ടര്‍ നന്നാക്കാന്‍ ഉച്ചവരെ ഇവിടെ വില്‍പന നിര്‍ത്തിവച്ചു. സി.സി.ടി.വി ക്യാമറ സ്ഥാപിക്കണമെന്ന പൊലിസ് നിര്‍ദേശം ഇനിയും പാലിക്കപ്പെട്ടില്ല. രാത്രിയോടെ പ്രതിയെ പിടികൂടിയതായി അറിയുന്നു.