ആലക്കോട്: മണക്കടവ് ചീക്കാട് മഹാദേവി ക്ഷേത്രത്തിലെ കാര്‍ത്തിക പൊങ്കാലയില്‍ പങ്കുകൊള്ളാന്‍ ജില്ലയുടെ വിവിധ ഭാഗങ്ങളായി നിന്നായി ആയിരങ്ങളെത്തി. കര്‍ണാടക വനാതിര്‍ത്തിയോട് ചേര്‍ന്നു കിടക്കുന്ന ക്ഷേത്രം ഉത്തരകേരളത്തിലെ കുടജാദ്രി എന്നാണ് അറിയപ്പെടുന്നത്.  ക്ഷേത്രമുറ്റത്തും റോഡരികിലുമായി ആയിരത്തിലേറെ പൊങ്കാല അടുപ്പുകളാണ് ഒരുക്കിയിരുന്നത്. രാവിലെ നടന്ന പ്രത്യേക പൂജകള്‍ക്ക് ശേഷം 11.30ന് ക്ഷേത്രം തന്ത്രി പണ്ടാര അടുപ്പില്‍ തീ പകര്‍ന്നു.