റിയാദ്: കെ.എം.സി.സി സമ്മേളനങ്ങളിൽ പങ്കെടുക്കാനായി എം.എൽ.എമാരായ എം.സി.ഖമറുദ്ദീനും കെ.എം.ഷാജിയും റിയാദിലെത്തുന്നു. കാസർഗോഡ് ജില്ലാ കെ.എം.സി.സി കമ്മിറ്റി സംഘടിപ്പിക്കുന്ന പ്രതിഷേധ ഇശൽ രാവിൽ പങ്കെടുക്കാനാണ്‌ എം.സി.ഖമറുദ്ദീൻ എത്തുന്നത്. ഫെബ്രുവരി 27ന്‌ വ്യാഴാഴ്ച വൈകീട്ട് 7 മണിക്ക് ബത്ഹ അപ്പോളോ ഡിമോറ ഓഡിറ്റോറി യത്തിൽ നടക്കുന്ന പരിപാടിയിൽ എം.എൽ.യെ കൂടാതെ കാസർഗോഡ് ജില്ലാ മുസ്ലിം ലീഗ് ജനറൽ സെക്രട്ടറി എ.അബ്ദുൽ റഹ്മാൻ, എം.എസ്.എഫ് സംസ്ഥാന വൈസ് പ്രസിഡണ്ട് ഹാഷിം ബംബ്രാണ എന്നിവരും കെ.എം.സി.സി നേതാക്കളും സംബന്ധിക്കും.

കണ്ണൂർ ജില്ലാ കെ.എം.സി.സിയുടെ മുപ്പതാം വാർഷികവും ഇ.അഹമ്മദ് അനുസ്മരണ സമ്മേളനത്തിലും പങ്കെടുക്കാനാണ്‌ കെ.എം.ഷാജി എം.എൽ.എ റിയാദിലെത്തുന്നത്. ഫ്രെബ്രുവരി 28ന്‌ വെള്ളിയാഴ്ച വൈകീട്ട് 6 മണിക്ക് അസീസിയയിലെ നെസ്റ്റോ ഓഡിറ്റോറിയത്തിൽ നടക്കുന്ന പരിപാടിയിൽ യൂത്ത് ലീഗ് സംസ്ഥാന പ്രവർത്തക സമിതി അംഗം അഷ്ക്കർ ഫറോക്കും പങ്കെടുക്കുന്നുണ്ട്.  പ്രതിനിധി സമ്മേളനം, പഠന ക്ലാസ്സ്, ഫോട്ടോ എക്സിബിഷൻ എന്നീ പരിപാടികളും സമ്മേളനത്തിന്റെ ഭാഗമായി സംഘടിപ്പിച്ചിട്ടുണ്ട്.