ലണ്ടന്‍: ബെര്‍ട്ടണ്‍ ആല്‍ബിയനെ എതിരില്ലാത്ത ഒരു ഗോളിന് തകര്‍ത്ത് മാഞ്ചസ്റ്റര്‍ സിറ്റി ഇ.എഫ്.എല്‍ കപ്പ് ഫൈനലില്‍ പ്രവേശിച്ചു. ഇരുപാദങ്ങളിലുമായി 10-0ത്തിനാണ് സിറ്റിയുടെ ജയം.
സിറ്റിക്ക് വേണ്ടി 26ാം മിനുട്ടില്‍ സെര്‍ജിയോ അഗ്യൂറോയാണ് ഗോള്‍ നേടിയത്. നേരത്തെ മാഞ്ചസ്റ്ററില്‍ നടന്ന ആദ്യപാദ മത്സരത്തില്‍ 9-0ത്തിന് സിറ്റി വിജയിച്ചിരുന്നു. ചെല്‍സി - ടോട്ടനം മത്സരത്തിലെ വിജയികളാണ് ഫൈനലില്‍ സിറ്റിയുടെ എതിരാളികള്‍.

കോപ്പ ഡെല്‍ റെ:
ബാഴ്‌സക്ക് തോല്‍വി

മാഡ്രിഡ്: കോപ്പ ഡെല്‍ റെ ക്വാര്‍ട്ടര്‍ ഫൈനലില്‍ ബാഴ്‌സലോണക്ക് ഞെട്ടിക്കുന്ന തോല്‍വി. എതിരില്ലാത്ത രണ്ട് ഗോളുകള്‍ക്ക് സെവിയ്യയാണ് ബാഴ്‌സലോണയെ പരാജയപ്പെടുത്തിയത്. സെവിയ്യയുടെ ഹോ ഗ്രൗണ്ടില്‍ നടന്ന ആദ്യപാദ ക്വാര്‍ട്ടര്‍ ഫൈനലിലാണ് ബാഴ്‌സലോണ കീഴടങ്ങിയത്. 31ന് ക്യാംപ് നൗവിലാണ് രണ്ടാംപാദ ക്വാര്‍ട്ടര്‍ നടക്കുന്നത്. 58ാം മിനുട്ടില്‍ പാബ്ലോ സരബിയയും 76ാം മിനുട്ടില്‍ വിസ്സാം ബെന്‍ യെഡറുമാണ് സെവിയ്യയുടെ ഗോള്‍ നേടിയത്. കിട്ടിയ അവസരങ്ങളെല്ലാം സെവിയ്യ ഗോളാക്കി മാറ്റിയപ്പോള്‍ പന്ത് കൈവശം വയ്ക്കുന്നതിലാണ് ബാഴ്‌സ മിടുക്ക് കാണിച്ചത്.