റിയാദ്: സഊദിയില്‍ തത്സമയ സംഗീത പരിപാടിയടക്കം വിവിധ പരിപാടികള്‍ അവതരിപ്പിക്കാന്‍ അനുമതി നല്‍കി സഊദി വിനോദ നയം പരിഷ്‌കരിച്ചു. വിനോദ അതോറിറ്റിയാണ് പുതിയ പരിഷ്‌കാരങ്ങള്‍ കൊണ്ടുവരാന്‍ അനുമതി നല്‍കിയത്. ഇതോടെ ലൈവ് സംഗീത നിശകളും ഗാനമേളകളും കോമഡി പരിപാടികളും സഊദിയില്‍ അവതരിപ്പിക്കനാകും. കൂടാതെ പാശ്ചാത്യ കലാകാരന്മാരുടെ വിവിധ വിനോദ കലാ പരിപാടികളും സ്‌പെയിന്‍ കാളയോട്ട മത്സരങ്ങളും സംഘടിപ്പിക്കാനും അനുമതി നല്‍കിയിട്ടുണ്ട്.

ഗാനമേളകള്‍, പാശ്ചാത്യ അവതരണങ്ങള്‍, ബാസ്‌കറ്റ് ബോള്‍ ഗെയിമുകള്‍, സ്പാനിഷ് കാളയോട്ട മത്സരങ്ങള്‍ എന്നിവക്കെല്ലാം ലൈസന്‍സ് അനുവദിക്കും. പുതിയ നയത്തിലൂടെ സ്വദേശികള്‍ക്കും വിദേശികള്‍ക്കും ജോലി സൃഷ്ടിക്കുമെന്നും റിയാദ് കിങ്ഡം ടവറില്‍ നടന്ന വാര്‍ത്താ സമ്മേളനത്തില്‍ വിനോദ അതോറിറ്റി മേധാവി അറിയിച്ചു.