കുട്ടനാട്: വേമ്പനാട്ട് കായലില്‍ ഹൗസ് ബോട്ടിലെ ഉല്ലാസയാത്രയ്ക്കിടെ  രണ്ടുവയസുകാരനെ കാണാതായി. കോഴിക്കോട്് ഫറോക്ക് സ്വദേശി അസര്‍ സാദിഖിന്റെ മകന്‍ ഐനിനെയാണ് കാണാതായത്. ഇന്നലെ വൈകുന്നേരം നാലേമുക്കാലോടെ കുട്ടമംഗലം ഉമ്പുക്കാരം ജെട്ടിക്കു സമീപത്തുവച്ചാണ് കുട്ടിയെ കാണാതായ വിവരം അറിയുന്നത്. ബന്ധുക്കളായ അഞ്ചു കുടുംബങ്ങള്‍ക്കൊപ്പം ഐനിന്റെ കുടുംബം നാലുമണിയോടെയാണ്  പുന്നമടയില്‍ നിന്നു ഹൗസ്‌ബോട്ടില്‍ യാത്രയാരംഭിച്ചത്.  ബോട്ടിലുണ്ടായിരുന്നവര്‍ വിവരമറിയിച്ചതിനെത്തുടര്‍ന്ന് പുളിങ്കുന്ന് പൊലിസും, ആലപ്പുഴയില്‍ നിന്നെത്തിയ ഫയര്‍ഫോഴ്‌സ് സംഘവും രാത്രി വൈകിയും തിരച്ചില്‍ തുടരുകയാണ്.