കോട്ടയം: ഈ വര്‍ഷത്തെ വായനാദിനം 20നു കുറവിലങ്ങാട് ദേവമാതാ കോളജില്‍ ആചരിക്കും.  
രാവിലെ 10.30നു ലൈബ്രറി ഹാളില്‍ ചേരുന്ന സമ്മേളനത്തില്‍ പൂര്‍വവിദ്യാര്‍ഥിയും കോട്ടയം ജില്ലാപഞ്ചായത്ത് വൈസ് പ്രസിഡന്റുമായ മേരി സെബാസ്റ്റ്യന്‍ പുതിയ പുസ്തകങ്ങളുടെ പ്രദര്‍ശനം ഉദ്ഘാടനം ചെയ്യും.
അതോടൊപ്പം കഴിഞ്ഞ അധ്യയനവര്‍ഷം ഏറ്റവും കൂടുതല്‍ പുസ്തകങ്ങള്‍ വായിച്ച വ്യക്തികള്‍ക്കു കോളജ് മാനേജര്‍ റവ.ഡോ. ജോസഫ് തടത്തില്‍ ഉപഹാരങ്ങള്‍ സമ്മാനിക്കും.    
അന്നേദിവസം പൊതുജനങ്ങള്‍ക്ക് ദേവമാതാ കോളജ് ലൈബ്രറി സന്ദര്‍ശിക്കുന്നതിന് പ്രത്യേക സൗകര്യം ഉണ്ടായിരിക്കുന്നതാണെന്ന് കോളജ് അധികാരികള്‍ അറിയിച്ചു.