പാരിസ്:  ഫ്രഞ്ച് പ്രസിഡന്റ് തെരഞ്ഞെടുപ്പ് സ്ഥാനാര്‍ഥി ഫ്രാന്‍സ്വെ ഫില്ലോണിന് തിരിച്ചടി നല്‍കി അദ്ദേഹത്തിന്റെ പ്രചാരണ മാനേജര്‍ രാജിവച്ചു.  
തെരഞ്ഞെടുപ്പ് പ്രചാരണത്തിന് ചുക്കാന്‍ പിടിച്ചിരുന്ന പാട്രിക് സറ്റെഫാനിയാണ് കഴിഞ്ഞ ദിവസം രാജിവച്ചത്. നേരത്തെ ഡെമോക്രാറ്റ്, ഇന്‍ഡിപെന്റന്‍സ് യൂനിയനുകള്‍ റിപ്പബ്ലിക്കന്‍ പാര്‍ട്ടിയോട് പ്രസിഡന്റ് സ്ഥാനാര്‍ഥിയായി മറ്റൊരാളെ തെരഞ്ഞെടുക്കാന്‍ ആവശ്യപ്പെട്ടിരുന്നു. സാമ്പത്തിക ഇടപാടിനെത്തുടര്‍ന്ന് സ്റ്റെഫാനിയും ഫില്ലോണും തമ്മിലുള്ള പ്രശ്‌നമാണ് രാജിക്ക് കാരണമായതെന്ന് നിഗമനം.  
കാംപയിന്‍ നിര്‍ത്തിവയ്ക്കാനും നേരത്തെ സ്റ്റെഫോണ്‍ ആവശ്യപ്പെട്ടിരുന്നു.റിപ്പബ്ലിക്കന്‍ പാര്‍ട്ടിയുടെ പ്രസിഡന്റ് സ്ഥാനാര്‍ഥിയാണ് ഫില്ലോണ്‍.
ഇദ്ദേഹത്തിന്റെ കാംപയിന്‍ സംഘത്തില്‍ നിന്ന് ഇതിനകം നിരവധി പേര്‍ രാജിവച്ചിട്ടുണ്ട്.  കഴിഞ്ഞ നവംബറില്‍ നടന്ന പ്രാഥമിക തെരഞ്ഞെടുപ്പില്‍ അലൈന്‍ ജൂപ്പോക്കെതിരേ ഫില്ലോണ്‍ വിജയിച്ചിരുന്നു.