ചെന്നൈ: വീരപ്പനെ പിടികൂടാന്‍ സഹായിച്ചത് മഅ്ദനിതന്നെയെന്ന് മുന്‍തമിഴ്‌നാട് ഡി.ജി.പിയും മൈലാപൂര്‍ എം.എല്‍.എയുമായ നടരാജന്‍. ഇതിനായി പലതവണ മഅ്ദനിയെ കോയമ്പത്തൂര്‍ ജയിലില്‍ സന്ദര്‍ശിച്ചതായും അദ്ദേഹം വെളിപ്പെടുത്തി.  
കോയമ്പത്തൂര്‍ ജയിലില്‍ കഴിഞ്ഞ മഅ്ദനിക്കൊപ്പം വീരപ്പന്റെ സഹോദരനുമുണ്ടായിരുന്നു. ഇവര്‍ നല്ല സൗഹൃദത്തിലായിരുന്നു.
ഇത് തിരിച്ചറിഞ്ഞാണ് മഅ്ദനിയെ ജയിലില്‍ സന്ദര്‍ശിച്ചതെന്നും അദേഹം അറിയിച്ചു. വീരപ്പന്‍ വേട്ടക്ക് നിയോഗിച്ചിരുന്ന പ്രത്യേക ദൗത്യസേന തലവനായിരുന്ന കെ. വിജയകുമാര്‍ എഴുതിയ വീരപ്പന്‍, ചേസിങ് ദി ബ്രിഗന്‍ഡ് എന്ന പുസ്തകത്തില്‍ ഇതുസംബന്ധിച്ച സൂചനയുണ്ട്.
ദമനി എന്നയാള്‍ സഹായിച്ചതായാണ് പുസ്തകത്തില്‍ പറഞ്ഞത്. ദമനി എന്നയാള്‍ മദനിതന്നെയെന്നാണ് നടരാജന്‍ പറയുന്നത്.