തിരുവനന്തപുരം: തിരുവനന്തപുരം മേനംകുളത്ത്് മദ്യലഹരിയില്‍ യുവാവ് സുഹൃത്തിനെ കുത്തിക്കൊന്നു. മേനംകുളം സ്വദേശി സന്തോഷാണ് കൊല്ലപ്പെട്ടത്. സുഹൃത്ത് ഉണ്ണിയാണ് മദ്യപിച്ച് ലക്കുകെട്ട് സന്തോഷിനെ കത്തികൊണ്ട് കുത്തിയത്. ഇരുവരും മദ്യപിച്ച് വാക്കുതര്‍ക്കത്തിലേര്‍പ്പെട്ടിരിരുന്നു. തര്‍ക്കം രൂക്ഷമായതിനെത്തുടര്‍ന്നാണ് കത്തികുത്തുണ്ടായത്. സംഭവത്തിനു ശേഷം ഒളിവില്‍പോയ ഉണ്ണിയെ പിന്നീട് പൊലിസ് കസ്റ്റഡിയിലെടുത്തു.