നിലമ്പൂര്‍: കേരളാ സംസ്ഥാന ചലച്ചിത്ര അക്കാദമിയുടെ പ്രാദേശിക ചലച്ചിത്രമേളയ്ക്ക് 16ന് നിലമ്പൂരില്‍ തുടക്കമാകും. ഫെയറിലാന്റ് സിനിമാസില്‍ നടക്കുന്ന മേള 21വരെ നീണ്ടുനില്‍ക്കും. ലോക സിനിമാ വിഭാഗത്തിലും ദേശിയ മലയാള വിഭാഗങ്ങളിലുമായി നാല്‍പതോളം മികച്ച സിനിമകളാണ് മേളയില്‍ പ്രദര്‍ശിപ്പിക്കുന്നത്.
ഫെസ്റ്റിവലിന്റെ ഭാഗമായി വിവിധ സാംസ്‌കാരിക പരിപാടികളും ഓപ്പണ്‍ ഫോറവും സംഘടിപ്പിക്കും. പ്രദര്‍ശനങ്ങളും പുസ്തകമേളയും ഉണ്ടായിരിക്കും. കേരളാ ചലച്ചിത്ര അക്കാദമി ചെയര്‍മാന്‍ കമല്‍ ഉദ്ഘാടനം ചെയ്യും. സമാപന സമ്മേളനം മന്ത്രി എ.കെ ബാലന്‍ ഉദ്ഘാടനം ചെയ്യും. സ്പീക്കര്‍ പി. ശ്രീരാമകൃഷ്ണന്‍, സിനിമാ സംവിധായകര്‍, അഭിനേതാക്കള്‍, സാങ്കേതിക പ്രവര്‍ത്തകര്‍, സാഹിത്യ സാംസ്‌കാരിക പ്രവര്‍ത്തകര്‍ എന്നിവര്‍ പങ്കെടുക്കും. ഫെസ്റ്റിവലിനായി 301 അംഗ സംഘാടകസമിതി രൂപീകരിച്ചു.
രൂപീകരണയോഗം നഗരസഭ ചെയര്‍പേഴ്‌സണ്‍ പത്മിനി ഗോപിനാഥ് ഉദ്ഘാടനം ചെയ്തു. ഇ. പത്മാക്ഷന്‍ അധ്യക്ഷനായി. നിലമ്പൂര്‍ ആയിഷ, പി.വി ഹംസ, എന്‍. വേലുകുട്ടി, ടി.ജെ നിലമ്പൂര്‍, ബഷീര്‍ ചുങ്കത്തറ, ഡോ. കെ.കെ പ്രവീണ, കെ.വി മുജീബ്, മധു ജനാര്‍ദന്‍ സംസാരിച്ചു.