ചവറ: ഇടപ്പള്ളിക്കോട്ട പോരൂക്കരയ്ക്ക സമീപം ദേശീയപാതയില്‍ കെ. എസ് .ആര്‍. ടി. സി ബസിടിച്ച് രണ്ടുപേര്‍ക്ക് പരുക്കേറ്റു. പോരൂക്കര പള്ളിക്ക് സമീപം ശനിയാഴ്ച രാത്രി എട്ടരയോടെയായിരുന്നു അപകടം.പോരുക്കര കന്നേല്‍ വീട്ടില്‍ ഷംസുദ്ധീന്‍ (45) പനക്കാട്ട് വാഹിദ് (55) എന്നിവര്‍ക്കാണ് പരുക്കേറ്റത്. ഇതില്‍ ഷംസുദ്ധീന്റെ പരുക്ക് ഗുരുതരമാണ്. ഇദ്ദേഹത്തെ തിരുവനന്തപുരത്തെ സ്വകാര്യ ആശുപത്രിയില്‍ പ്രവേശിപ്പിച്ചു.വാഹിദിനെ കരുനാഗപ്പള്ളിയിലെ സ്വകാര്യ ആശുപത്രിയിലും പ്രവേശിപ്പിച്ചു. ചവറ പൊലിസ് കേസെടുത്തു