കോഴിക്കോട്: കടയില്‍ കയറി യുവതിയെ മര്‍ദിച്ചെന്ന പരാതിയില്‍ രണ്ട് പേര്‍ക്കെതിരേ ടൗണ്‍ പൊലിസ് കേസെടുത്തു. ബേപ്പൂര്‍ നെടിയാന്‍കോവിലകം വീട്ടില്‍ സിദ്ധീഖിന്റെ ഭാര്യ ഫാത്തിമ (38) യെയാണ് മര്‍ദിച്ചത്.
കഴിഞ്ഞ ദിവസം വൈകിട്ട് പി.വി.എസ് ആശുപത്രിക്ക് സമീപമുള്ള ഫാത്തിമയുടെ ഉടമസ്ഥതയിലുള്ള ബ്യൂട്ടി പാര്‍ലറിലേക്ക് പ്രതികള്‍ എത്തി അസഭ്യം പറയുകയും മര്‍ദിക്കുകയുമായിരുന്നു. യുവതിയുടെ പരാതിയില്‍ ഇടിയങ്ങരക്കടുത്ത് താമസമാക്കിയ സൈനബ, ബഷീര്‍ എന്നിവര്‍ക്കെതിരെയാണ് പൊലിസ് കേസെടുത്തത്. പരുക്കേറ്റ യുവതി ബീച്ച് ആശുപത്രിയില്‍ ചികിത്സയിലാണ്.