മുംബൈ: പ്രിയങ്കാ ഗാന്ധിയുടെ രാഷ്ട്രീയ പ്രവേശനത്തെ പ്രശംസിച്ച് ശിവസേന. കോണ്‍ഗ്രസിന്റെ തുറുപ്പുചീട്ടാണ് പ്രിയങ്ക. ഗാന്ധി കുടുംബം രാജ്യത്തിന് നല്‍കിയ സംഭാവനകളെ ജനങ്ങള്‍ അംഗീകരിക്കുന്നുണ്ടെങ്കില്‍ മറ്റുള്ളവര്‍ക്ക് എന്താണ് പ്രശ്‌നമെന്ന് ബി.ജെ.പിയെ പരോക്ഷമായി വിമര്‍ശിച്ചുകൊണ്ട് ശിവസേനാ നേതാവ് സഞ്ജയ് റാവത്ത് ചോദിച്ചു. അനുയോജ്യമായ സമയത്താണ് പ്രിയങ്ക രാഷ്ട്രീയത്തിലേക്ക് ഇറങ്ങിയത്. പ്രിയങ്കയെ രാഷ്ട്രീയത്തിലിറക്കിയ രാഹുലിന്റെ തീരുമാനത്തെ അംഗീകരിക്കേണ്ടതുണ്ടെന്നും സഞ്ജയ് റാവത്ത് പറഞ്ഞു.