തിരുവനന്തപുരം: ഭരണകൂട ഭീകരതയില്‍ സംസ്ഥാനത്തെ തളച്ചിടാമെന്ന സി.പി.എമ്മിന്റെ വ്യാമോഹം നടപ്പാവില്ലെന്നും രാജ്യത്തു നടന്നുവരുന്ന ഫാസിസത്തിനെതിരെ പ്രതികരിക്കുന്നവര്‍ അസഹിഷ്ണുതയുടെ കൊടുമുടി കയറിയെന്നും ആര്‍.വൈ.എഫ് ആരോപിച്ചു. ജനങ്ങളുടെ അഭിപ്രായത്തിനും പ്രതിഷേധത്തിനും വിലക്കേര്‍പ്പെടുത്തുന്ന അപ്രഖ്യാപിത അടിയന്തരാവസ്ഥയാണ് സംസ്ഥാനത്തുള്ളതെന്നും ഇതിനെതിരെ ശക്തമായി പ്രതിഷേധിക്കുന്നുവെന്നും ആര്‍.വൈ.എഫ് സംസ്ഥാന ജനറല്‍ സെക്രട്ടറി അഡ്വ. സി.പി. സുധീഷ്‌കുമാര്‍ വാര്‍ത്താസമ്മേളനത്തില്‍ പറഞ്ഞു.