വണ്ടിത്താവളം : നമ്പറില്ലാത്ത ടിപ്പറുകള്‍ വ്യാപകമാകുന്നു. വണ്ടിത്താവളം ,കൊല്ലങ്കോട്, മുതലമട, ചിറ്റൂര്‍, വേലന്താവളം, നടുപ്പുണി എന്നീ പ്രദേശങ്ങളിയാണ് നമ്പറുകള്‍ ഇല്ലാത്ത ടിപ്പറുകള്‍ വ്യാപകമായിട്ടുള്ളത്. അനധികൃത ഖനനം നടത്തുന്ന ക്വാറികളില്‍ നിന്നുമാണ്. നമ്പറില്ലാത്ത ടിപ്പറുകള്‍ വ്യാപകമായിട്ടുള്ളത്.സ്‌ക്കൂള്‍ സമയങ്ങളില്‍ സര്‍വീസ് നടത്തുന്ന നമ്പറില്ലാത്ത ടിപ്പറുകള്‍ക്കെതിരെ നടപടിയെടുക്കേണ്ട അധികൃതര്‍ മൗനം പാലിക്കുന്നതാണ് പ്രശ്‌നങ്ങള്‍ക്ക് പ്രധാന കാരണം. തമിഴ്‌നാട്ടില്‍ നിന്നും മോഷ്ടിക്കപ്പെടുന്ന ടിപ്പറുകള്‍ ഉള്‍പ്പെടെ അതിര്‍ത്തി പ്രദേശങ്ങളില്‍ സജീവമായതിനാല്‍ മോട്ടോര്‍ വാഹന വകുപ്പും പോലീസും അനധികൃത ടിപ്പറുകള്‍ക്കെതിരെ നടപടി വേണമെന്നാണ് നാട്ടുകാരുടെ ആവശ്യം.