പെരുമ്പിലാവ്: പഴഞ്ഞി,കാട്ടകാമ്പാല്‍,പോര്‍ക്കുളം പഞ്ചായത്തുകളിലായി കിടക്കുന്ന പുല്ലാണിച്ചാല്‍ കോള്‍പടവില്‍ കൊയ്ത്ത് പുരോഗമിക്കുന്നു. കൊയ്ത്ത് മെതിയന്ത്രം ഉപയോഗിച്ച്  നടക്കുന്ന കൊയ്ത്ത് ഈ ആഴ്ചയോടെ പൂര്‍ത്തിയാകും. രണ്ട് വര്‍ഷമായി മേഖലയില്‍ ആദ്യം കൊയ്ത്ത് തുടങ്ങുന്നത് പുല്ലാണിച്ചാല്‍ കോള്‍പടവിലാണ്. മൂന്ന് വര്‍ഷം മുന്‍പ് വേനല്‍ മഴയില്‍ കൃഷി നശിച്ചതോടെയാണ് പുല്ലാണിച്ചാല്‍ കോള്‍പടവിലെ കര്‍ഷകര്‍ നേരത്തെ കൃഷി ഇറക്കാന്‍ തീരുമാനിച്ചത്. ഇത്തവണ ഒക്ടോബര്‍ മാസത്തോടെ തുടങ്ങിയ കൃഷി പണി മാര്‍ച്ച് പകുതിയോടെ സമാപിക്കും.മൂപ്പ് കുറവുള്ള ജ്യോതി വിത്താണ് 88 ഏക്കറുള്ള ഈ  പടവില്‍ കൃഷി ചെയ്തത്.  എന്നാല്‍ മികച്ച നെല്ലിനമായ ജ്യോതി നെല്ല് വാങ്ങാന്‍ സ്വകാര്യ മില്ലുകള്‍ മുന്നിട്ടിറങ്ങിയത് കര്‍ഷകര്‍ക്ക് തുണയായി.