അമ്പലപ്പുഴ: വിദേശമദ്യ വില്‍പ്പനശാല ആരംഭിക്കുന്നതിനെതിരെ കൊപ്പാറക്കടവില്‍ പ്രതിഷേധം ശക്തമാക്കുന്നു.ഇതിന്റെ ഭാഗമായി മദ്യ വില്‍പ്പനശാല ആരംഭിക്കാന്‍ തീരുമാനിച്ച കെട്ടിടത്തിന് മുന്നില്‍ സമരപ്പന്തല്‍ കെട്ടി പ്രതിഷേധം ശക്തമാക്കി. ചെമ്പും തറ പള്ളി വികാരി ഫാ.അലക്‌സ് സമരപന്തല്‍ ഉദ്ഘാടനം ചെയ്തു. ഗ്രാമപഞ്ചായത്തംഗം സി.പ്രദീപ്, അദ്ധ്യക്ഷനായിരുന്നു. ബ്ലോക്ക് പഞ്ചായത്തംഗം യുഎം കബീര്‍, ഗ്രാമപഞ്ചായത്തംഗം ജി രാധ, ഡി പ്രദീപ്, കെ.ആര്‍ ശശി, സുബൈദ, പി.കെ ശശി, പ്രസംഗിച്ചു.