പൂച്ചാക്കല്‍: പരീക്ഷാ ഭയം മാറ്റാന്‍ പത്താം ക്ലാസ്, പ്ലസ് ടു വിദ്യാര്‍ഥികള്‍ക്കു കൗണ്‍സിലിങ് ക്ലാസ് നടത്തി. പാണാവള്ളി ക്രസന്റ് ചാരിറ്റബിള്‍ സൊസൈറ്റിയുടെ നേതൃത്വത്തില്‍ ഹിദായത്തുല്‍ ഇസ്‌ലാം മദ്‌റസയില്‍ നടന്ന പരിപാടി പാണാവള്ളി ഗ്രാമപഞ്ചായത്ത് പ്രസിഡന്റ് രാജേഷ് വിവേകാനന്ദ ഉദ്ഘാടനം ചെയ്തു. സൊസൈറ്റി പ്രസിഡന്റ് എ.എ അബ്ദുല്ല അധ്യക്ഷത വഹിച്ചു. പാണാവള്ളി തെക്കുംഭാഗം മുഹിയിദ്ദീന്‍ പുത്തന്‍പള്ളി ഇമാം അബ്ദുല്ല ഫൈസി മുഖ്യ പ്രഭാഷണം നടത്തി. സിജി ഡയറക്ടര്‍ സുഹൈല്‍ റഹ്മാന്‍ വൈലിത്തറ കൗണ്‍സലിംഗ് ക്ലാസ് നയിച്ചു. ടി.ബി ഇഖ്ബാല്‍, സാലിഹ്, കെ.കെ ഷറഫുദ്ദീന്‍, ഷംസുദ്ദീന്‍ പുന്നാത്തറ എന്നിവര്‍ സംസാരിച്ചു.