അന്തിക്കാട്: സാമൂഹ്യവിരുദ്ധര്‍ സ്‌കൂട്ടര്‍ കത്തിച്ചു. മുറ്റിച്ചൂര്‍ നായരങ്ങാടിക്ക് പടിഞ്ഞാറ് മാമ്പുള്ളി രാമചന്ദ്രന്‍ മകന്‍ രാഗേഷിന്റെ വീട്ടുമുറ്റത്ത് നിര്‍ത്തിയിട്ടിരുന്ന സ്‌കൂട്ടറാണ് സാമൂഹ്യവിരുദ്ധര്‍ കത്തിച്ചത്.
ഇന്നലെ പുലര്‍ച്ചെ ഒന്നരയോടെയായിരുന്നു സംഭവം. ശബ്ദം കേട്ട് വീട്ടുകാര്‍ വാതില്‍ തുറന്നു നോക്കിയപ്പോള്‍ സ്‌കൂട്ടര്‍ കത്തുന്നതാണ് കണ്ടത്. അകത്ത് നിന്ന് വെള്ളം ഒഴിച്ച് കെടുത്താന്‍ ശ്രമിച്ചതുകൊണ്ട് തീ ആളിപ്പടര്‍ന്നു ഓല മേഞ്ഞ വീട് കത്തിനശിക്കാതെ രക്ഷപ്പെട്ടെങ്കിലും മുറ്റത്ത് ഉണങ്ങാനിട്ടിരുന്ന തുണികള്‍ മുഴുവനും കത്തിനശിച്ചു.
അക്രമിസംഘത്തില്‍ ഒന്നിലധികം പേരുണ്ടായിരുന്നു. വിവരമറിഞ്ഞ് അന്തിക്കാട് പൊലിസും നാട്ടുകാരും സ്ഥലത്തെത്തിയതോടെ അക്രമികള്‍ രക്ഷപ്പെട്ടു. തുടര്‍ന്ന് പൊലിസില്‍ നല്‍കിയ പരാതിയില്‍ കേസെടുത്തു.