മലപ്പുറം: സഹനം, സമരം, സമര്‍പ്പണം എന്ന പ്രമേയത്തില്‍ എസ്‌കെഎസ്എസ്എഫ് ആചരിക്കുന്ന റമദാന്‍ കാംപയിനോടനുബന്ധിച്ചു ജില്ലാ തല സംവേദനവും ഇഫ്താര്‍ മീറ്റും ഞായറാഴ്ച കോട്ടക്കല്‍ ഇന്ത്യനൂരില്‍ നടക്കും. വൈകുന്നേരം നാലിനു നടക്കുന്ന സംവാദത്തില്‍ ബദര്‍ ഇന്നും പ്രസക്തമാണ് എന്നതാണു വിഷയം. തുടര്‍ന്നു ഇഫ്താര്‍ മീറ്റു നടക്കും. തുടര്‍ ദിവസങ്ങളിലായി ഏരിയാ, മേഖലാതല സെമിനാറുകള്‍, ക്ലസ്റ്ററുകളില്‍ തസ്‌കിയത്ത് മീറ്റും ഇഫ്താര്‍ സംഗമവും നടക്കും. കാംപയിന്‍ പ്രവര്‍ത്തനങ്ങള്‍ ജില്ലാ കമ്മിററി ആസൂത്രണം ചെയ്തു. പ്രസിഡന്റ് സയ്യിദ് ഫഖ്‌റുദ്ദീന്‍ ഹസനി തങ്ങള്‍ അധ്യക്ഷനായി.