മഞ്ചേരി: പന്ത്രണ്ടുകാരിയെ പീഡിപ്പിച്ച കേസില്‍ പ്രതികുറ്റക്കാരനാണെന്ന് മഞ്ചേരി ഒന്നാം അഡീഷനല്‍ സെഷന്‍സ് കോടതി കണ്ടെത്തി. കരുവാരക്കുണ്ട് കുന്നക്കാടന്‍ അനസ് (35)ആണ് പ്രതി. കേസില്‍ ജഡ്ജി കെ.പി സുധീര്‍ ഇന്ന് വിധിപറയും. 2012 ഓഗസ്റ്റ് 28 നാണ് കേസിനാസ്പദമായ സംഭവം.
പൂവു തരാമെന്ന് പറഞ്ഞു പ്രലോഭിപ്പിച്ച് പെണ്‍കുട്ടിയെ മലയില്‍ കൊണ്ടുപോയി പീഡിപ്പിക്കുകയായിരുന്നു. ചൈല്‍ഡ് ലൈന്‍ പ്രവര്‍ത്തകരുടെ ഇടപെടലിനെത്തുടര്‍ന്ന് കരുവാരക്കുണ്ട് പൊലിസ് അനസിനെ അറസ്റ്റ് ചെയ്യുകയായിരുന്നു. 22 സാക്ഷികളില്‍ 16 പേരെ വിസ്തരിച്ചു. പ്രോസിക്യൂഷനുവേണ്ടി അഡ്വ. ജയ്‌സണ്‍ തോമസ് ഹാജരായി.