മണ്ണാര്‍ക്കാട്: ദേശീയപാത വികസനം അതിര്‍ത്തി രേഖയില്‍ സര്‍ക്കാര്‍ സ്ഥാപനങ്ങളെ ഒഴിവാക്കിയതില്‍ മണ്ണാര്‍ക്കാട് നഗരത്തില്‍ പ്രക്ഷോഭമുയരുന്നു. കോടതിപ്പടിയിലെ പൊതുമരാമത്ത് ഓഫീസിന് സമീപം റവന്യൂ വകുപ്പ് രേഖപ്പെടുത്തിയ ദേശീയപാത അതിര്‍ത്തിയാണ് വിവാദമാകുന്നത് നാട്ടുകല്‍ മുതല്‍ താണാവ് വരെയുള്ള ദേശീയ പാത പുനര്‍നിര്‍മ്മാണ പ്രവര്‍ത്തനങ്ങളില്‍ റവന്യു വകുപ്പിന്റെ അളവുകളാണ് മാനദണ്ഡമായിട്ടുള്ളത് എന്നാല്‍ കോടതിപ്പടിയില്‍ ഈ അളവ് പ്രകാരം പി. ഡബ്ല്യു.ഡി ഓഫീസ് സ്ഥിതി ചെയ്യുന്നത് ദേശീയ പാതയുടെ അതിര്‍ത്ഥിക്കുള്ളിലാണ് ഇതേ കോണില്‍ അളവ് തിട്ടപ്പെടുത്തി സമീപമുള്ള 3 കുടുംബങ്ങളെ ഒഴിപ്പിച്ചെന്നിരിക്കെ അഴുക്കുചാല്‍ നിര്‍മ്മിക്കുമ്പോള്‍ സര്‍ക്കാര്‍ സ്ഥാപനമായ പൊതുമരാമത്ത് വകുപ്പിന്റെ കാര്യലയത്തിനായി വിട്ടു വീഴ്ച നടത്തിയതാണ് ജനരോഷത്തിന് കാരണമായത് പി.ഡബ്ല്യു.ഡി ഓഫീസിന് ചുറ്റുമായി നിര്‍മ്മിച്ച മതിലിനിപ്പുറമായാണ് അഴുക്കുചാലെടുത്തത്.ആദ്യഘട്ടത്തില്‍ യഥാര്‍ത്ഥ അളവിലൂടെ അഴുക്കുചാല്‍ നിര്‍മ്മാണമാരംഭിച്ചു ശേഷം ദിശമാറ്റി പിഡബ്യുഡി ഓഫീസ് ഒഴിവാക്കിയാണ് അഴുക്കുചാല്‍ നിര്‍മ്മാണം തുടര്‍ന്നത് ഇതാണ് ജനരോഷത്തിന് കാരണമായത് കോടതിപ്പടിയിലുള്ള വളവ് നിവരുംവിധം ഓഫീസിന്റെ ചുറ്റുമതില്‍ പൊളിച്ച് ചാല്‍ നിര്‍മ്മിക്കണമെന്നാണ് നാട്ടുകാരുടെ ആവശ്യം തുടര്‍ന്ന് ഈ ഭാഗത്തെ പ്രവര്‍ത്തികള്‍ നിര്‍ത്തിവെച്ചിരിക്കുകയാണ്.