മുക്കം: പന്നിക്കോട് ജി.എല്‍.പി സ്‌കൂള്‍ 91-ാം വാര്‍ഷികവും സര്‍വിസില്‍ നിന്നു വിരമിക്കുന്ന പ്രധാനാധ്യാപകന്‍ ഇ. മുഹമ്മദ് അഷ്‌റഫിനുള്ള യാത്രയയപ്പും വിവിധ പരിപാടികളോടെ നടന്നു.
 ജോര്‍ജ് എം. തോമസ് എം.എല്‍.എ ഉദ്ഘാടനം ചെയ്തു. വിദ്യാഭ്യാസ രംഗത്തു സമൂലമായ മാറ്റമാണു സര്‍ക്കാര്‍ ലക്ഷ്യമെന്നും അടുത്ത അഞ്ചു വര്‍ഷത്തിനകം മുഴുവന്‍ പൊതുവിദ്യാലയങ്ങളും മികവിന്റെ കേന്ദ്രങ്ങളായി മാറുമെന്നും അദ്ദേഹം പറഞ്ഞു.
ചടങ്ങില്‍ പഞ്ചായത്ത് പ്രസിഡന്റ് സി.ടി.സി അബ്ദുല്ല അധ്യക്ഷനായി. വിദ്യാര്‍ഥികളുടെ രചനകള്‍ ഉള്‍പ്പെടുത്തി തയാറാക്കിയ 'കിളിക്കൊഞ്ചല്‍' വാര്‍ഷിക പതിപ്പ് എ.ഇ.ഒ ലൂക്കോസ് മാത്യു പ്രകാശനം ചെയ്തു. സ്വപ്നാ വിശ്വനാഥ്, പി.ടി.എ പ്രസിഡന്റ് എ.പി നൂര്‍ജഹാന്‍, ഉമാ ഉണ്ണികൃഷ്ണന്‍, പി. സുനോജ്, പി.വി അബ്ദുല്ല, ഫസല്‍ ബാബു, സുലൈഖ പൊലുകുന്ന് സമ്മാനദാനം നടത്തി. ബീന വടക്കൂട്ട്, കെ.പി ചന്ദ്രന്‍, പി. ഷിനോ, മജീദ് പുതുക്കുടി, ബാബു മൂലയില്‍, ടി.കെ ജാഫര്‍, സലീം മാസ്റ്റര്‍ സംസാരിച്ചു.