അലനല്ലൂര്‍: മണ്ണാര്‍ക്കാട് സ്വദേശിയില്‍ നിന്ന് അത്താണിപ്പ്പടിയിടിയില്‍ വച്ച് ലക്ഷങ്ങള്‍ കവര്‍ച്ച ചെയ്ത കേസില്‍ മൂന്ന് പേരെ നാട്ടുകല്‍ പൊലിസ് അറസ്റ്റ് ചെയ്തു . ജനുവരി 19ന് മണ്ണാര്‍ക്കാട് ചങ്ങിലീരി മല്ലിയില്‍ വീട്ടില്‍ അബ്ദുള്‍ റഷീദ് യാത്ര ചെയ്തിരുന്ന മോട്ടോര്‍ സൈക്കിളിനു കുറുകെ പ്രതികള്‍ സ്‌കൂട്ടര്‍ കുറുകെ ഇട്ട് കത്തി കാണിച്ച് ഭീഷണിപ്പെടുത്തുകയും ഈ സമയം പിറകില്‍ വന്ന മറ്റു പ്രതികള്‍ കാര്‍ കൊണ്ട് മോട്ടോര്‍ സൈക്കിള്‍ ഇടിച്ച് വീഴ്ത്തുകയും അബ്ദുള്‍ റഷീദിന്റെ കൈവശം ഉണ്ടായിരുന്ന പതിനാല് ലക്ഷത്തി അമ്പതിനായിരം രൂപ കവര്‍ച്ച നടത്തി കടന്നു കളയുകയുമായിരുന്നു.
മണ്ണാര്‍ക്കാട് കണ്ടമംഗലം സ്വദേശികളായ സിയാദ് (26), മുഹമ്മദ് ആഷിക്ക് (24) എന്നിവരെ യാണ് അറസ്റ്റ് ചെയ്തത്. പ്രതികളെ ഒളിവില്‍ താമസിപ്പിക്കാന്‍ സഹായിച്ച കുന്തിപ്പുഴ സ്വദേശി അബൂബക്കര്‍ സിദ്ദിഖ് (31) എന്നയാളെയും പൊലിസ് അറസ്റ്റ് ചെയ്തിതിരുന്നു. എന്നാല്‍ ഇഴാള്‍ക്ക് കോടതി ജാമ്യം അനുവധിച്ചു. മറ്റു രണ്ടു പേരും റിമാന്‍ഡി ലാ ണ്.
കേസിലെമുഖ്യ പ്രതി തെങ്കര മണലടി പറശ്ശേരി പൊതിയില്‍ വീട്ടില്‍ മുഹമ്മദ് നാഫി (25) എന്നയാളെ ഒളിവില്‍ താമസിപ്പിച്ചതിനാണ് അബൂബക്കര്‍ സിദ്ദിഖ് അറസ്റ്റില്‍ ആയത്. നാഫിയെ പൊലിസ് അന്വേഷിച്ച് വരികയാണ്. കുറ്റകൃത്യത്തിന് പിറകില്‍ ഒരു വന്‍ സംഘം തന്നെയുണ്ടെന്ന് പൊലിസ് സംശയിക്കുന്നു.
എസ്.ഐ ജയപ്രസാദിന്റെ നേതൃത്വത്തില്‍ നാട്ടുകല്‍ പൊലിസിന്റെ അന്വേഷണത്തില്‍ ആണ് കവര്‍ച്ച നടന്നദിവസങ്ങള്‍ക്കുള്ളില്‍ കേസില്‍ ഉള്‍പ്പെട്ട പ്രതികള്‍ പിടിയില്‍ ആയത്. നാഫിയുടെ അറസ്റ്റോടുകൂടി മാത്രമേ ഈ കേസില്‍ ഉള്‍പ്പെട്ട ക്വട്ടേഷന്‍ സംഘത്തെ കുറിച്ച് കൂടുതല്‍ വ്യക്തമാകൂ എന്നും നാട്ടുകല്‍ പൊലിസ് അറിയിച്ചു.