താമരശേരി: കഴിഞ്ഞ ദിവസം ധനമന്ത്രി അവതരിപ്പിച്ച ബജറ്റില്‍ കൊടുവള്ളി നിയോജക മണ്ഡലത്തിന് കാര്യമായ പരിഗണന ലഭിക്കാത്തതിനു കാരണം എം.എല്‍.എയുടെ  ഇടപെടലിന്റെ കുറവും വികസന കാര്യത്തിലുള്ള താല്‍പര്യമില്ലായ്മയുമാണെന്ന് കൊടുവള്ളി നിയോജക മണ്ഡലം മുസ്‌ലിം യൂത്ത് ലീഗ് കൗണ്‍സില്‍ മീറ്റ് ആരോപിച്ചു. താമരശേരി രാജീവ് ഗാന്ധി ഓഡിറ്റോറിയത്തില്‍ നടന്ന കൗണ്‍സില്‍ മീറ്റ് യൂത്ത് ലീഗ് ജില്ലാ വൈസ് പ്രസിഡന്റ് എ.കെ ഷൗക്കത്തലി ഉദ്ഘാടനം ചെയ്തു.
മണ്ഡലം പ്രസിഡന്റ് ടി. മൊയ്തീന്‍കോയ അധ്യക്ഷനായി. മണ്ഡലം യൂത്ത് ലീഗ് ജന. സെക്രട്ടറിയായി റഫീഖ് കൂടത്തായിയെയും വൈസ് പ്രസിഡന്റായി വി.സി റിയാസ്ഖാനെയും തിരഞ്ഞെടുത്തു.