പേരാമ്പ്ര: സഹകരണ മേഖലയില്‍ പേരാമ്പ്ര ആസ്ഥാനമായി കൊയിലാണ്ടി താലൂക്ക് ലേബര്‍ കോണ്‍ട്രാക്ട് കോ-ഓപ്പറേറ്റീവ് സൊസൈറ്റി പ്രവര്‍ത്തനം ആരംഭിച്ചു. ടി.ബി റോഡിലെ ഓഫിസ് പരിസരത്തു നടന്ന ചടങ്ങില്‍ സഹകരണ വകുപ്പ് ജില്ലാ അസി. റജിസ്ട്രാര്‍ (പ്ലാനിങ്) ഇ.പി രാജീവന്‍ ഉദ്ഘാടനം ചെയ്തു. ഷെയര്‍ സര്‍ട്ടിഫിക്കറ്റ് വിതരണവും ഗ്രൂപ്പ് ഡെപ്പോസിറ്റ് സ്വീകരിക്കലും പഞ്ചായത്ത് വൈസ് പ്രസിഡന്റ് കെ.പി ഗംഗാധരന്‍ നമ്പ്യാര്‍ നിര്‍വഹിച്ചു.
 സ്വാഗതസംഘം ചെയര്‍മാന്‍ ഇ.ടി സത്യന്‍ അധ്യക്ഷനായി. സൊസൈറ്റി വൈസ് പ്രസിഡന്റ് പി.കെ ശ്രീധരന്‍ റിപ്പോര്‍ട്ട് അവതരിപ്പിച്ചു. മുനീര്‍ എരവത്ത്, എസ്.കെ അസൈനാര്‍, ഇ.കുഞ്ഞിരാമന്‍, കിഴക്കയില്‍ ബാലന്‍, എ. ബാലചന്ദ്രന്‍, ശ്രീധരന്‍ മുതുവണ്ണാച്ച, തണ്ടോറ ഉമ്മര്‍, ബാദുഷ അബ്ദുല്‍സലാം, വി.വി ജയകൃഷ്ണന്‍, രവീന്ദ്രന്‍ കേളോത്ത്, മനോജ് എടാണി, കെ.ടി കുഞ്ഞമ്മദ്, സൊസൈറ്റി പ്രസിഡന്റ് ടി.വി മുരളി, ഡയറക്ടര്‍ ഇ.പി മുഹമ്മദ്  സംസാരിച്ചു.