കോഴിക്കോട്: എസ്.കെ.എസ്.എസ്.എഫ് സംസ്ഥാന വ്യാപകമായി ആചരിക്കുന്ന റമദാന്‍ കാംപയിനിന്റെ ഭാഗമായി ഖുര്‍ആന്‍ സ്റ്റഡി സെന്റര്‍ കേന്ദ്ര കമ്മിറ്റിയുടെ ആഭിമുഖ്യത്തില്‍ കോഴിക്കോട് അരയിടത്തുപാലത്ത് സംഘടിപ്പിക്കുന്ന 14-ാമത് റമദാന്‍ പ്രഭാഷണത്തിന്റെ പന്തല്‍ കാല്‍നാട്ടല്‍ കര്‍മം കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി നിര്‍വഹിച്ചു. ചടങ്ങില്‍ അബുബക്കര്‍ ഫൈസി മലയമ്മ അധ്യക്ഷനായി.
കെ.പി കോയ, അയ്യൂബ് കൂളിമാട്, ഒ.പി അഷ്‌റഫ്, സി.എ ശുക്കൂര്‍ മാസ്റ്റര്‍, ദീവാര്‍ ഹുസൈന്‍ ഹാജി, സെയ്ദ് ഇബ്‌റാഹിം കാരപ്പറമ്പ്, എന്‍ജിനീയര്‍ മാമുക്കോയ ഹാജി, ആര്‍.വി.എ സലാം, റഫീഖ് മാസ്റ്റര്‍ ചെരിങ്ങൊളം അബ്ദുല്ല ബാഖവി, മുഹമ്മദ് മാസ്റ്റര്‍ മായനാട്, കുഞ്ഞിമരക്കാര്‍ മലയമ്മ, ആലി ഹസന്‍ മാവൂര്‍, ബിച്ചിക്കോയ, റസാഖ് താത്തൂര്‍, ഖമറുദ്ദീന്‍ ദാരിമി, ലത്തീഫ് കാരപ്പറമ്പ് സംബന്ധിച്ചു.
വരുന്ന 25, 26 തിയതികളില്‍ അന്‍വര്‍ മുഹ്‌യുദ്ദീന്‍ ഹുദവി ആലുവയും 27, 28 തിയതികളില്‍ ഇബ്രാഹിം ഖലീല്‍ ഹുദവി അല്‍ മാലികി കാസര്‍കോടും ജൂലൈ രണ്ടിന് സിംസാറുല്‍ ഹഖ് ഹുദവിയും 3, 4 തിയതികളില്‍ റഹ്മത്തുല്ലാഹ് ഖാസിമിയും പ്രഭാഷണം നടത്തും. രാവിലെ 8.30നാണ് പ്രഭാഷണം.