കോഴിക്കോട്: പെരുമണ്ണ ഗ്രാമപഞ്ചായത്തിലെ പ്രഥമ പ്രൈമറി വിദ്യാലയമായ ജി.എല്‍.പി സ്‌കൂള്‍ പയ്യടിമീത്തല്‍ 91 ാം വാര്‍ഷികം ആഘോഷിച്ചു. എം.കെ രാഘവന്‍ എം.പി ഉദ്ഘാടനം ചെയ്തു.
സ്‌കൂളില്‍ ഡൈനിങ് കോര്‍ട്ടിന് അദ്ദേഹം നാല് ലക്ഷം രൂപ അനുവദിച്ചു. ഹെഡ്മാസ്റ്റര്‍ പി. അബ്ദുല്‍ ജലീല്‍ പ്രവര്‍ത്തന റിപ്പോര്‍ട്ട് അവതരിപ്പിച്ചു. ബി.പി.ഒ അജയകുമാര്‍ മുഖ്യപ്രഭാഷണം നടത്തി.'മുന്നേറ്റം' പ്രത്യേക പതിപ്പിന്റെയും,'ജനനി' മാഗസിന്റെയും പ്രകാശനം നിര്‍വഹിച്ചു. വിവിധ പുരസ്‌കാരങ്ങളും സമ്മാനങ്ങളും വിതരണം ചെയ്തു.
ഗ്രാമപഞ്ചായത്ത് പ്രസിഡന്റ് കെ. അജിത അധ്യക്ഷയായി. വൈസ് പ്രസിഡന്റ് എന്‍.വി ബാലന്‍ നായര്‍, പി.എം ബാലകൃഷ്ണന്‍, സിന്ധു, നൗഷിദ, വാര്‍ഡ് അംഗം ടി. നിസാര്‍ സംസാരിച്ചു. പി.ടി.എ പ്രസിഡന്റ് പി. കൃഷ്ണദാസ് സ്വാഗതവും ആനന്ദന്‍ നന്ദിയും പറഞ്ഞു.